Қасым-Жомарт Тоқаевтың өкімімен және Жарлығымен бірқатар кадрлық өзгерістер жасалды, – деп хабарлайды 7-su.kz ақпараттық порталы.
Мемлекет басшысының өкімімен Марат Кенжеғалиұлы Әшім Қазақстан Республикасы Президентінің кеңесшісі – Президент Протоколы қызметінің бастығы болып тағайындалды.
Сондай-ақ Президенттің Жарлығымен Қуанышбек Бақытбекұлы Есекеев Қазақстан Республикасы Президентінің көмекшісі қызметіне келді. Ол бұрын атқарған лауазымынан босатылды.
Бұған дейін Президенттің кеңесшісі болып жұмыс істеген Руслан Желдібай енді Мемлекет басшысының көмекшісі қызметін атқарады. Сонымен қатар ол Президенттің баспасөз хатшысы міндетін қоса атқара береді.
