Еңбек және халықты әлеуметтік қорғау министрлігі Қазақстандағы сұранысқа ие мамандықтар мен жоғары жалақы төленетін қызметтер тізімін жариялады, – деп хабарлайды 7-su.kz ақпараттық порталы.
Ведомство дерегінше, бүгінде еңбек нарығында PR-менеджерлерге (16,3 мың бос орын), математика пәнінің мұғалімдеріне (7,6 мың) және тәрбиешілерге (6,1 мың) қажеттілік жоғары. Орта білікті мамандар арасында ең көп сұранысқа ие мамандықтар – тәрбиеші көмекшілері (4,4 мың), күзетшілер (2,7 мың) және көлік жүргізушілері (2,6 мың).
Жалақы мөлшері бойынша көш бастап тұрғандар – техникалық директорлар (орташа 1,2 млн. теңге), ұшқыштар (1,2 млн. теңге) және коммерциялық директорлар (1,1 млн. теңге).
Сонымен қатар, тамыз айында ең жоғары жалақы ұсынылған қызметтер қатарында:
-
кен өндіру саласындағы цех басшысы – шамамен 843,8 мың теңге;
-
энергиямен жабдықтау қызметі басшысының орынбасары – 733 мың теңге;
-
IT саласындағы бағдарламалар бас редакторы – 718 мың теңге.
