18 қыркүйекте Қазақстанның бірқатар өңірінде ауа райының күрт өзгеруіне байланысты дауылды ескерту жарияланды.
Бұл туралы 7-su.kz ақпараттық порталы «Қазгидрометке» сілтеме жасап хабарлайды. Синоптиктердің болжамынша:
- Түркістан облысының таулы аймақтарында найзағай түсуі ықтимал. Шымкент пен Түркістан қалаларында төтенше өрт қаупі сақталады;
- Алматы және Жамбыл облыстарында кей жерлерде қатты жаңбыр жауып, бұршақ пен дауыл болуы ықтимал;
- Ақмола, Солтүстік Қазақстан, Қостанай, Қарағанды, Шығыс Қазақстан және Ұлытау облыстарында түнде және таңертең тұман түседі, кей жерлерде найзағай ойнайды;
- Қостанай облысының солтүстігінде топырақ бетінде -2°С-қа дейін аяз болуы мүмкін;
- Павлодар облысында күндіз бұршақ жауып, найзағай күтіледі;
- Маңғыстау, Ақтөбе, Батыс Қазақстан, Атырау және Қызылорда облыстарында жоғары және төтенше өрт қаупі сақталады.
Синоптиктердің болжамына сәйкес, 16 облыс пен Алматы және Шымкент қалаларында ауа райының қолайсыз құбылысы байқалады. Мамандар тұрғындарға ауа-райы жағдайына байланысты сақтық шараларын қатаң сақтауды ескертеді.
