Синоптиктер 24 қыркүйекте Қазақстанның бірнеше облысында екпіні күшті жел, шаңды дауыл, найзағай, жаңбыр мен тұман болатынын ескертті, – деп хабарлайды 7-su.kz ақпараттық порталы.
Атырау облысы: Солтүстігінде, оңтүстігінде және шығысында төтенше өрт қаупі сақталады, ал облыстың солтүстік-шығысында жоғары өрт қаупі тұр. Атырау қаласында 24 қыркүйекте төтенше өрт қаупі сақталады.
Түркістан облысы: Солтүстігінде шаңды дауыл соғады. Солтүстік-шығыстан жел тұрып, күндіз облыстың солтүстігі, батысы мен таулы аудандарында екпіні 15-20 м/с. 24 қыркүйекте облыста төтенше өрт қаупі бар.
Шымкент қаласында солтүстік-шығыстан жел соғып, күндіз екпіні 15-20 м/с, төтенше өрт қаупі сақталады.
Түркістан қаласында солтүстік-шығыстан жел соғып, күндіз екпіні 15-20 м/с, төтенше өрт қаупі сақталады.
Қарағанды облысы: Оңтүстік-батыстан жел соғып, күндіз облыстың солтүстігінде екпіні 15–20 м/с болады. Оңтүстігінде төтенше өрт қаупі бар.
Ұлытау облысы: Оңтүстігінде төтенше өрт қаупі сақталады.
Солтүстік Қазақстан облысы: Оңтүстік-батыстан жел соғып, түнде және күндіз облыстың оңтүстігінде екпіні 15-20 м/с болады. Петропавл қаласында жел күші күндіз 15-20 м/с-қа жетеді.
Жетісу облысы: Таулы аудандарында қатты жаңбыр жауады. Солтүстік-шығыстан жел соғып, облыстың шығысы мен таулы аудандарында екпіні 15-20, кей жерлерде 23-28 м/с болады. Оңтүстігінде және шығысында төтенше өрт қаупі, батысында жоғары өрт қаупі бар.
Батыс Қазақстан облысы: Батысында, оңтүстігінде және шығысында төтенше өрт қаупі, ал солтүстігінде жоғары өрт қаупі сақталады. Орал қаласында жоғары өрт қаупі бар.
Жамбыл облысы: Таулы аудандарында найзағай болады, тұман түзіледі. Оңтүстік-батыстан соғатын жел солтүстік-батысқа ауысып, облыстың оңтүстік-батысы, солтүстік-шығысы мен таулы аудандарында 15-20 м/с жылдамдыққа жетеді. Батысында, солтүстігінде және орталығында төтенше өрт қаупі бар. Тараз қаласында күндіз жел күші 15-20 м/с болады.
Шығыс Қазақстан облысы: Солтүстігінде кей уақытта қатты жаңбыр жауады. Күндіз облыстың солтүстігі, шығысы және оңтүстігінде найзағай болады. Түнде және таңертең шығыста тұман түседі. Жел оңтүстік-батыстан және батыстан соғып, екпіні солтүстігінде және оңтүстігінде 15-20 м/с болады.
Абай облысы: Оңтүстігінде найзағай тұрады. Түнде және таңертең солтүстігінде тұман болады. Жел оңтүстік-батыстан және батыстан соғып, екпіні солтүстігінде, шығысында және оңтүстігінде 15-20 м/с.
Қызылорда облысы: Солтүстік-шығыстан жел соғып, күндіз шығыста екпіні 15-20 м/с болады. Төтенше өрт қаупі сақталады.
Алматы облысы: Таулы аудандарында кейде қатты жауын-шашын (жаңбыр, қар) болады. Түнде және таңертең оңтүстікте, таулы аудандарда тұман түседі. Солтүстік-шығыстан жел соғып, оңтүстіктегі таулы аудандарда екпіні 15-20 м/с. Солтүстігінде төтенше өрт қаупі бар.
Қостанай облысы: Оңтүстігінде жоғары өрт қаупі сақталады.
Маңғыстау облысы: Оңтүстік-шығысында жоғары өрт қаупі бар.
Павлодар облысы: Батысы мен солтүстігінде тұман болады. Оңтүстік-батыстан жел соғып, күндіз батысында және оңтүстігінде екпіні 15-20 м/с.
Ақмола облысы: Солтүстігінде, шығысында және оңтүстігінде оңтүстік-батыстан жел соғып, екпіні 15-20 м/с. Көкшетау қаласында күндіз жел күші 15-18 м/с болады.
