Қазақстандық чемпион жекпе-жекті ұзақ күтіп шаршады.
Орта салмақта WBO және IBF тұжырымдары бойынша әлем чемпионы Жәнібек Әлімханұлы (17–0, 12 KO) дивизиондағы өзге белбеу иелеріне үн қатты.
Қазіргі таңда WBC белбеуін доминикандық Карлос Адамес (24-1-1, 18 KO) иеленсе, WBA нұсқасы бойынша чемпиондық атақ кубалық Эрисланди Лараға (31-3-3, 19 KO) тиесілі.
«Чемпиондар, менің сіздерді қуалап жүретін уақытым жоқ. Сіздер боксты масқаралап жүрсіздер! Егер жекпе-жекке шыққыңыз келмесе, онда не үшін белбеуді ұстап отырсыздар? Мұндай қиын болады деп ойламаппын!», – деп жазды Әлімханұлы әлеуметтік желідегі парақшасында.
Бұған дейін Әлімханұлы мен Адамес арасындағы жекпе-жекке келісім жасалғаны хабарланған, алайда кейінірек олардың айқасы тағы кейінге қалдырылды.
Соңғы рет қазақстандық боксшы 5 сәуір күні Астанада рингке шығып, бесінші раундта конголез текті француз Анауэль Нгамиссенгені (14–1, 9 KO) нокаутпен жеңіп, өз титулдарын сәтті қорғап қалған еді.
