Қазіргі заманғы білім беру жүйесі қарқынды өзгерістерге толы, жаһандық бәсекенің жаңа алаңы. Бұл салада алпауыт мемлекеттер ілгері қадам жасап, технологиялық үстемдікке ұмтылып жатқаны белгілі. Жасанды интеллект технологияларының дамуы оқыту процесін тиімді етуге, білім алушылардың қажеттіліктеріне бейімдеуге және педагогтардың жұмысын жеңілдетуге мүмкіндік береді.
Жасанды интеллект – бұл жай ғана құрал емес, жоғары білім беруді трансформациялаудың негізгі факторы. Ол үшін білім беру жүйесіндегі жаңашылдықты бүгіннен бастап қабылдап, жақсы нәтиже көрсету. Бүгінгі таңда еліміздегі әрбір мектепте ЖИ құралдарын сабақтарда қолдану жүйелі түрде жүзеге асырыла бастады. Мұғалімдер сабақ барысында интерактивті платформаларды, деректерді талдайтын бағдарламаларды және интеллектуалды тестілеу жүйелерін кеңінен пайдалануда. Бұл оқушылардың пәнге деген қызығушылығын арттырып қана қоймай, олардың оқу нәтижелерін жақсартуға ықпал етіп жатқандығын күнделікті тәжірибеден байқап отырмыз.
Цифрлық дәуірде оқушылар тек теориялық біліммен шектелмей, технологиялық дағдыларды да игеруі қажет. ЖИ құралдары арқылы оқыту, деректерді талдау, проблемаларды шешу және логикалық ойлау қабілеттерін дамытуға көмектеседі. Бұл олардың еңбек нарығында сұранысқа ие маман болуына септігін тигізеді. Сондықтан да біз заман көшінен, нарық сұранысынан қалмайық деп бар күш-жігерімізді сарп етіп, жүйелі жұмыс жүргізіп келеміз. Мектебімізде болашақта да жасанды интеллектің әлеуетін кеңінен пайдалануды жоспарлап, алғышарттарын тәжірибеде пайдаланудамыз. Оқытушылардың кәсіби дамуын жетілдіру, білім алу мүмкіндіктерін кеңейту және оқу процесінің сапасын арттыру – біздің басты мақсатымыздың бірі.
Жасанды интеллект – тек технология емес, ол – болашақтың білім беру құралы. Сондықтан біз бұл бағыттағы жұмысты жалғастырып, сапалы білім беру ісіне жаңа серпін беруге ұмтыламыз.
Айдана ЗАБИЛЬХАНОВА,
Алмалы орта мектебінің бастауыш сынып мұғалімі
Сарқан ауданы
