Биыл Су ресурстары және ирригация министрлігінің Су шаруашылығы комитеті ирригациялық және дренаждық жүйелерді жаңғырту аясында бірқатар ауқымды жұмыс атқарды.
Атап айтқанда, 8,47 шақырым канал, 11,2 шақырым коллекторлық-дренаждық жүйе және 27 ұңғыма реконструкциядан өткізілді.
Мамандардың айтуынша, бұл шаралар нәтижесінде ирригациялық каналдардағы су шығынын жылына 250 млн текше метрге дейін азайтуға және 95 мың гектар егістік алқабын сапалы суармалы сумен қамтамасыз етуге мүмкіндік береді.
Су шаруашылығы комитетінің төрағасы Арсен Жақанбаевтың сөзінше, қазіргі таңда ел бойынша су шаруашылығы мен ирригациялық жүйелерді дамытуға бағытталған 14 ірі жоба іске асырылуда. Олардың құрылысы 2026–2027 жылдары толық аяқталады деп жоспарлануда. Бұдан бөлек, тағы 211 жобаның жобалау-сметалық құжаттары әзірленіп жатыр.
«Жетісу-Ақпарат»
