Алматы және Жетісу облыстарының кәсіподақтары «Таза Қазақстан» акциясын қолдау мақсатында Қаратал өзені жағалауын қоқыстан тазартты.
Кәсіподақтар федерациясы жолдаған челленджді қабыл алып, Талдықорған қаласының жанынан өтетін Қаратал өзенінің жағалауларын қоқыстан тазартты.
Табиғатты таза ұстау, қоршаған ортаға адами құндылық негізінде қарау – баршамызға ортақ міндет. Сондықтан да еліміздегі кәсіподақ қозғалысының 120 жылдығына орай өткізілетін мұндай шаралар қоғам игілігіне, ауызбірлікке шақыратыны анық, – дейді Алматы және Жетісу облыстарының кәсіподақтары орталығының төрағасы Әсет Қыдырманов.
Айта кетерлігі, аталған шараға 100 астам адам қатысып, өзендермен өрнектелген өлкенің орталығын жанай өтетін өзеннің айналасын мұнтаздай етті.
«Жетісу-Ақпарат»
