Қазақстан Республикасының Сыртқы істер министрі Ермек Көшербаев Ресей Федерациясының Елшісі Алексей Бородавкинді қабылдады, – деп хабарлайды 7-su.kz ақпараттық порталы.
Кездесу барысында дипломат РФ Сыртқы істер министрі Сергей Лавровтың Ермек Көшербаевты жаңа қызметке тағайындалуымен құттықтауын жеткізді.
Тараптар екіжақты ынтымақтастықтың қазіргі деңгейін және даму перспективаларын талқылап, стратегиялық серіктестік пен одақтастық рухында қарым-қатынастың дәйекті дамып келе жатқанын атап өтті.
Әңгіме барысында Қазақстан Президенті Қасым-Жомарт Тоқаевтың алдағы Ресейге мемлекеттік сапарына дайындық мәселелеріне ерекше назар аударылды. Бұл сапардың екіжақты байланыстарды барлық бағытта жандандырудағы маңызы баса айтылды.
Сондай-ақ тараптар ынтымақтастықты нығайтуға және халықаралық аренада іс-қимылдарды үйлестіруге дайын екенін растады.
