Мемлекет басшысының өкімімен Жандос Өмірәлиев Қазақстан Республикасы Бас Прокурорының бірінші орынбасары болып тағайындалды. Бұған дейін ол атқарған қызметінен босатылды, – деп хабарлайды 7-su.kz ақпараттық порталы.
Сонымен қатар осы өкіммен Тимур Тәшімбаев Бас Прокурордың бірінші орынбасары лауазымынан босатылды. Жандос Өмірәлиев 1978 жылы дүниеге келген. Абай атындағы Алматы мемлекеттік университетін тәмамдаған.
Еңбек жолын 2000 жылы аудан прокурорының көмекшісі болып бастаған. 2010–2011 жылдары Бас прокурордың ерекше тапсырмалар жөніндегі аға көмекшісі, Заңдылықты, құқықтық тәртіпті қамтамасыз ету және қылмысқа қарсы күрес жөніндегі үйлестіру кеңесінің хатшысы қызметін атқарды.
2011–2017 жылдары Алматы қаласы прокурорының орынбасары, 2017–2018 жылдары Бас прокуратураның кадрларды дамыту басқармасының бастығы болды.
2018–2022 жылдары Батыс Қазақстан облысының прокуроры қызметін атқарды. 2022 жылдың 8 маусымында Қазақстан Республикасы Бас Прокурорының орынбасары болып тағайындалған еді.
Бүгінде ол Бас Прокурордың бірінші орынбасары қызметіне кірісті.
