Қазақстандағы алғашқы радиохабар 1921 жылдың қазан айында эфирге шыққан болатын. Содан бері бір ғасырдан астам уақыт өтсе де, радио өзінің өзектілігін жоғалтқан жоқ. Қазіргі таңда жаңа ақпараттық технологиялар мен әлеуметтік желілер қарқынды дамығанымен, радио әлі де сенімді ақпарат көзі болып қала береді.
Миллиондаған қазақстандық күн сайын жолда, жұмыста немесе үйде радио тыңдайды. Эфир арқылы тыңдармандар жедел ақпаратпен қатар мәдени-танымдық бағдарламалардан да сусындайды. Радио – қоғам өмірінің айнасы, ұлттық құндылықтарды насихаттайтын маңызды құрал.
Сала мамандарының айтуынша, радио қызметкерлерінің кәсіби еңбегі мен өз ісіне адалдығы эфирді әрдайым жанды әрі қызықты етеді. Бүгінгі мерекеде журналистер мен дикторларға, режиссерлер мен техникалық мамандарға құрмет көрсетіліп, олардың ақпарат кеңістігін дамытудағы рөлі ерекше атап өтілуде.
