Мәжіліс Жұлдыз Сүлейменованың өкілеттігін оқу-ағарту министрі болып тағайындалуына байланысты мерзімінен бұрын тоқтату туралы шешім қабылдады, – деп хабарлайды 7-su.kz ақпараттық порталы.
«Парламенттің жетінші және сегізінші шақырылымдарында Жұлдыз Сүлейменова Мәжілістің Әлеуметтік-мәдени даму комитетінде белсенді қызмет атқарды. Оның жетекшілігімен әйелдердің құқығын қорғауға және балалардың қауіпсіздігін қамтамасыз етуге, соның ішінде тұрмыстағы зорлық-зомбылыққа қарсы іс-қимыл шараларына бағытталған елеулі заңнамалық түзетулер әзірленіп, енгізілді», — деп жазылған хабарламада.
Еске салайық, бұған дейін Жұлдыз Сүлейменова оқу-ағарту министрі болып тағайындалғаны хабарланған еді.
