Қазақстан Республикасы Ұлттық ұланы 5514 әскери бөлімінде Халықаралық Қарттар күніне орай ардагерлерге ерекше құрмет көрсетілді.
Әскери бөлімнің командирі полковник Амир Мансуров, басқарма офицерлері және Әйелдер кеңесінің мүшелері ардагерлеріміз – отставкадағы подполковник Халиль Каипов пен Марат Махамановты арнайы құттықтап, ізгі тілектерін білдірді.
Сонымен қатар бөлім командирі мен офицерлері келісімшарт бойынша әскери қызметшілердің ата-аналарын да ұмыт қалдырмай, қарттарымызға алғыс хаттар, гүл шоқтары және арнайы дайындалған сыйлықтарын табыстады.
Бұл шара – Ұлттық ұланның ардагерлерге деген айрықша құрметі мен ұрпақтар сабақтастығының айғағы. Ардагерлердің өмірлік тәжірибесі, елге сіңірген еңбегі жас буынға әрдайым өнеге болып қала бермек.
