13 қазанда еліміздің 14 өңірінде ауа райының қолайсыздығына байланысты дауылды ескерту жарияланды, – деп хабарлайды 7-su.kz ақпараттық порталы «Қазгидромет» РМК-ға сілтеме жасап.
Ұлытау облысының оңтүстігінде өте жоғары өрт қаупі сақталып отыр. Шығыс бөлігінде және облыс орталығында да өрт қаупі жоғары деңгейде.
Қарағанды облысының солтүстігі мен шығысында түнде және таңертең тұман түсіп, жолдарда көктайғақ байқалады.
Түркістан облысының тау асуларында оңтүстік-батыстан соққан желдің екпіні 15-20 м/с жетеді. Облыстың солтүстік, оңтүстік, батыс және шөлейтті аймақтарында, сондай-ақ Түркістан қаласында өте жоғары өрт қаупі сақталады.
Атырау облысының батысы мен оңтүстігінде түнде және таңертең тұман түседі. Солтүстік, оңтүстік және шығыс аймақтарда өте жоғары өрт қаупі бар. Атырау қаласында да түнгі және таңертеңгі уақытта тұман болады.
Маңғыстау облысының батысында, солтүстігі мен шығысында түнгі және таңертеңгі уақытта тұман түседі. Облыс аумағында жоғары өрт қаупі сақталған. Ақтауда да түнде және таңертең тұман байқалады.
Жетісу облысында шығыстан соққан желдің екпіні таулы аймақтарда 17-22 м/с дейін жетеді. Облыстың оңтүстігінде жоғары өрт қаупі сақталып отыр.
Алматы облысының таулы өңірлерінде түнде тұман түседі. Оңтүстік-батыстан соққан жел оңтүстікте солтүстік-шығысқа ауысып, таулы жерлерде 15-20 м/с жылдамдықпен соғады.
Ақмола облысының солтүстігі мен шығысында түнде және таңертең тұман түседі. Батыс бөлігінде желдің екпіні 15-20 м/с дейін жетеді. Оңтүстік-батыс өңірлерінде өрт қаупі жоғары.
Ақтөбе облысының оңтүстігі, солтүстігі мен шығысында жоғары өрт қаупі бар. Ал батысы мен солтүстік-шығысында өте жоғары өрт қаупі байқалады.
Солтүстік Қазақстан облысында күндіз батыс пен оңтүстік-батыста желдің екпіні 15-20 м/с жетеді.
Батыс Қазақстан облысында оңтүстік-батыстан соққан желдің күші батыс пен солтүстік аудандарда 15-20 м/с дейін күшейеді. Солтүстікте жоғары, ал солтүстік-батыс, оңтүстік және оңтүстік-шығыста өте жоғары өрт қаупі бар.
Абай облысының батысы, оңтүстігі және орталығында түнде және таңертең тұман түсіп, жолдарда көктайғақ болады. Түнде оңтүстік-батыста, ал күндіз шығыс пен оңтүстікте желдің екпіні 15-20 м/с дейін күшейеді. Оңтүстікте жоғары өрт қаупі сақталады.
Павлодар облысының оңтүстік және шығыс бөліктерінде тұман түсіп, жолдар көктайғақ болады.
Шығыс Қазақстан облысының солтүстігі, шығысы және оңтүстігінде көктайғақ байқалады. Түнде және таңертең тұман түседі. Батыс және солтүстік-батыстан соққан желдің екпіні таңертең және күндіз 15-20 м/с дейін күшейеді.
