Президент Қасым-Жомарт Тоқаев Израиль мен ХАМАС арасындағы атысты тоқтату жөніндегі келісімге қол жеткізілуіне байланысты АҚШ президенті Дональд Трампты маңызды дипломатиялық жетістігімен құттықтады, – деп хабарлайды 7-su.kz ақпарат агенттігі.
Ақорданың баспасөз қызметінің мәліметінше, Мемлекет басшысы Дональд Трамптың Газа секторындағы көптен күткен бейбітшілікті орнатуда айрықша рөл атқарғанын атап өтті.
«Қасым-Жомарт Тоқаев АҚШ президентінің саяси ерік-жігерінің мықтылығын және халықтар арасындағы бейбітшілік пен өзара келісімді орнатуға деген шынайы ұмтылысын толық таныта білді деп санайды» – делінген ресми хабарламада.
