Президент Қасым-Жомарт Тоқаев 11-12 қараша күндері Ресей Федерациясына мемлекеттік сапармен барады, – деп хабарлайды 7-su.kz ақпараттық порталы.
Сапар барысында Мемлекет басшысы Ресей Президенті Владимир Путинмен келіссөздер өткізеді. Тараптар екіжақты ынтымақтастықтың өзекті мәселелерін талқылап, стратегиялық серіктестікті одан әрі дамыту жолдарын қарастырады.
Бұдан бөлек, Қасым-Жомарт Тоқаев Орал қаласында өтетін XXI Қазақстан мен Ресей өңіраралық ынтымақтастық форумының пленарлық сессиясына бейнебайланыс арқылы қатысады.
Мемлекеттік сапар аясында екі ел арасындағы бірқатар маңызды құжаттарға қол қою жоспарланып отыр.
