Талдықорған: +15°C
$ 443.96
€ 487.73
₽ 5.38
  • Комплаенс қызметі
  • Сыбайлас жемқорлық картограммасы
Advertisement
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР КҮНДЕРЕК

Мейірім азайған шақ

18 наурыз 2026
КҮНДЕРЕК, РУХАНИЯТ
Мейірім азайған шақ

egemen.kz

WhatsAppTelegramFacebook

Кеше ғана тектілік пен тәрбиеге сүйенген қазақ қоғамы бүгінде рухани дағдарыстың табалдырығында тұрғандай күй кешуде. Өйткені, қоғамды алаңдатқан ең ауыр дерттің бірі – қорғансызға қол салу, әсіресе, бейкүнә балаларға жасалатын зорлық-зомбылықтың үдеуі. Бұл – адамдық болмыстың күйреуі, ар-ұяттың аяққа тапталуы. Ең сорақысы мұндай сұмдыққа құлақтың үйрене бастауы. Жантүршігерлік жаңалықтарды естіп, жағамызды ұстау азайып, жүрек селт етпейтін күйге жеткеніміз қоршаған ортамыз үшін ең қауіпті белгі.

Әлеуметтік желіні ашып қалсаңыз болды, зәре-құтты қашыратын тақырыптар алдыңыздан шыға келеді: бесіктен белі шықпаған балаға жасалған зорлық, мектеп жасындағы қыздың тағдырын тас-талқан еткен қаныпезерлер, туғанына қорған болудың орнына, қорлық көрсеткен жақындар жайлы ақпараттар… Бір кездері жатсынатын мұндай сұмдықтар бүгінде жиілеп, қалыпты құбылысқа айналып бара жатқандай әсер қалдырады. Бұл үнсіз қалған қоғамның, селт етпеген сананың салдары емес пе?

Өзегіңді өртейтін осындай оқиғалар көбейген сайын, ел ертеңіне деген сенімге селкеу түсетіні анық. Қорланған, жәбір көрген балалардың тағдыры тұтас ұлттың жарасы. Олардың жан дүниесіндегі жара жазыла ма? Әлде өмір бойы көлеңкесінен қорқып, қоғамнан шеттеп өтетін жандарға айнала ма?!

Заң қатайып, жазалар күшейтілгенімен, мәселенің түп-тамырына балта шабылмай отыр. Қылмыскерлер темір торға қамалғанымен, уақыт өте қайта оралуы мүмкін. Ал олардың құрбандарының жанына түскен дақ өшпейді. Демек, бұл тек құқық қорғау органдарының ғана емес, тұтас қоғамның ортақ мәселесі.

Осы тұста отбасының рөлі ерекше. Үй ішіндегі ұрыс-керіс, жылулықтың жетіспеуі, мейірімнің аздығы бала психологиясына салмақ түсіретін басты факторлар. Махаббат пен қамқорлық көрмеген бала сырттан жылу іздейтіні жалған емес. Ал мұны өз пайдасына асыратын жандардың бар екені анық. Айлакерлікпен арбап, сенімге кіріп, кейін сол сенімді аяққа таптайтындар қоғамның ең қауіпті элементтері.

Бұл дерттің тамыры тереңде. Ол – тәрбиеден, руханияттан, қоғамдық жауапкершіліктен ажырап бара жатқанымыздың көрінісі. Сондықтан мәселені тек жаза арқылы шешу жеткіліксіз. Ұлттық құндылықтарды жаңғыртып, отбасы институтын нығайтып, бала тәрбиесіне деген көзқарасты түбегейлі өзгерту қажет.

Ендеше, бүгінгі таңда әрбір саналы азамат өз-өзіне сұрақ қоюы тиіс: біз қайда барамыз? Қай бағытты бетке алдық? Қоғамның келешегі қандай болмақ? Егер үнсіз қалсақ, ертең кеш болуы мүмкін.

Қара бұлттай торлаған қатыгездік бұлтын сейілту баршамыздың ортақ міндетіміз. Өйткені қорғансыздың көз жасы ұлттың намысына түскен дақ. Сол үшін де осы орайдағы екінші бір мәселе – мейірімнің азайып бара жатқаны. Технология дамып, тұрмыс түзеліп, материалдық игіліктер артқан сайын адам жанының жылуы кеміп бара жатқандай әсер қалдырады. Бір қарағанда, бәрі бар: мүмкіндік те, жағдай да, таңдау да мол. Бірақ сол молшылықтың ортасында адамдықтың өзегі – жанашырлық пен қайырымдылықтың жоғалып бара жатқаны алаңдатады.

Осы тұста қазақтың көрнекті жазушысы Шерхан Мұртаза айтқан бір сөзі ойға оралады: «Қиын заманда, нәубет тұста адамдар бір-біріне мейірімді еді. Бір уыс талқан мен жарты нанды бөліп жеп өмір сүрді. Ал қазір бәрі бар, бірақ мейірім жоқ»

Расымен де, таршылық заманда адамдарды біріктірген ортақ бір-біріне деген жан жылуы еді. Ал бүгінгі күні әркім өз қамымен жүріп, өзгенің мұңын естуге де, түсінуге де асықпайтын күйге жеткендейміз. Қоғамдағы қатыгездік пен немқұрайлылықтың тамыры да осы рухани жұтаңдықтан бастау алады.

Сондықтан бүгінгі буын үшін ең үлкен міндет материалдық байлықтан бұрын, адамдық құндылықтарды қайта тірілту. Егер әр адам өзінен бастап жанашырлық таныта білсе, қоғам да біртіндеп жылына бастайды. Өйткені адамзатты сақтап қалатын дәл осы мейірім.

Санжар СҰЛТАНҒАЗЫ

Қатысты жаңалықтар

Дрондар додасы:  мемлекеттік органдар арасында ауқымды жарыс өтті

Дрондар додасы: мемлекеттік органдар арасында ауқымды жарыс өтті

18 қараша 2026
Қазақстан Тәуелсіздігінің 35 жылдығына дайындық қарқынды жүргізілуде

Қазақстан Тәуелсіздігінің 35 жылдығына дайындық қарқынды жүргізілуде

18 қараша 2026
Ғылым министрлігі ҚазҰУ-да кешенді мониторинг жүргізеді

Ғылым министрлігі ҚазҰУ-да кешенді мониторинг жүргізеді

18 қараша 2026
Еңбек ұжымдарына Жолдау міндеттері түсіндірілді

Еңбек ұжымдарына Жолдау міндеттері түсіндірілді

18 қараша 2026
«Әділет» партиясы: Жетісуда мәдениет саласының инфрақұрылымы жаңарады

«Әділет» партиясы: Жетісуда мәдениет саласының инфрақұрылымы жаңарады

17 қараша 2026

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.