ҚР ҚК әскери-техникалық мектебі Талдықорған филиалының жеке құрамы сенбілік жұмыстарына белсене қатысып, қала тазалығына өз үлестерін қосты. Іс-шара «Өтенай» шағын ауданы аумағындағы Ұлы Жеңіске арналған ескерткіш маңында ұйымдастырылды. Әскери-техникалық мектеп қызметкерлері мен мамандары аумақты қоқыстан тазартып, айналаны ретке келтірді.
Сенбілік барысында қатысушылар аула сыпырып, ағаш көшеттерін отырғызды. Сонымен қатар, қоршаулар мен нысандарды сырлап, абаттандыру жұмыстарын жүргізді. Ұжымның ұйымшылдығы мен белсенділігінің арқасында ескерткіш маңының көркі жаңарып, тазалығы айтарлықтай жақсарды.
– Бұл қоршаған ортаға жанашырлық танытып, жастарға үлгі көрсетуге бағытталған тәрбиелік іс-шара. Қоғамдық орындарды таза ұстау — әр азаматтың парызы. Осындай игі шаралар жастардың патриоттық рухын көтеріп, ортақ іске деген жауапкершілікті арттырады, – дейді Филиал директорының орынбасары, запастағы подполковник Андрей Ворков.
Сенбілік соңында қатысушылар атқарылған жұмыстардың нәтижесіне ризашылық білдіріп, мұндай тазалық акциялары алдағы уақытта да жалғасатынын жеткізді.
Жетісу гарнизонының баспасөз қызметі
