Кәсіпқой бокста аса ауыр салмақтағы қазақстандық боксшы Иван Дычко 6 маусымда шаршы алаңға шығады. Ол Англияның Борнмут қаласында өеттін «Zuffa Boxing 7» турниріне қатысады. Қарсыласы – Харви Дайкс (Ұлыбритания). Кездесу 10 раундқа жоспарланған, – деп хабарлайды 7-su.kz ақпараттық порталы.
Екі мәрте Олимпиада жүлдегері болған (2012 жыл, Лондон; 2016 жыл, Рио) 35 жастағы Дычконың бұл кәсіпқой бокстағы 17-ші жекпе-жегі болмақ. Осыған дейін өткізген кездесуделрінің 15-ін жеңіп (14 нокаутпен), 1 жекпе-жекте жеңілді. Кейінгі өткізген кездесуінде (2025 жылдың қыркүйегі) америкалық Джермейн Франклиннен төрешілер шешімімен есе жіберген еді.
