Будапеште өткен Чемпиондар лигасының финалы тек кубок үшін емес, триллиондық бәс нарығының үлкен жоспарымен өтті. УЕФА-ның финал уақытын Астана уақытымен 21:00-ге қоюы футбол тарихындағы ең прагматикалық бизнес-қадамдардың бірі болды. Неге бұлай? Өйткені нағыз «лимитсіз ақша құйылатын» алып нарық Еуропада емес, Азияда жатыр.
Азия нарығының миллиондары және Live-бум Еуропа үшін сенбілік кеш әлі басталмай жатып, Азия құрлығында (Қытай, Оңтүстік-Шығыс Азия, Орталық Азия) бәс тігудің ең шарықтау шегі (прайм тайм) туды. Түнгі уақытта емес, кешкі жайлы 21:00-де басталған матч Азияның лимитсіз, миллиондап ақша құятын ірі синдикаттары мен ойыншыларына таптырмас мүмкіндік сыйлады.
Ал алаңдағы сценарий бұл ақшаны қалай қорытты? Капиталдың 92%-ы күйіп кетті: Негізгі уақыттағы жеңіске құйылған бүкіл әлемдік қаражаттың 75%-ы ПСЖ-ның жеңісіне, тағы 17%-ы Арсеналдың ұтысына кеткен еді. Тең ойынға небәрі 8% ақша тігілді.
Матч 1:1 аяқталып, негізгі уақытқа тігілген миллиардтар бір сәтте букмекер кеңселерінің таза пайдасына айналды.
Ойынның созылуы – трансляция мен жарнаманың триумфы: Матчтың экстра-тайм мен пенальти сериясына дейін созылуы – медиа индустрия үшін нағыз алтын кезең. Қосымша 30+ минут эфир уақыты трансляция операторлары мен демеушілерге миллиондаған бонус әкелді. Ал осы уақытта букмекерлік кеңселердегі Live нарығы қайта жарылып, секунд сайын жаңа миллиондаған купондар жазылып жатты.
Алаңда кім жеңсе де, бұл кештің бас кейіпкері және жалғыз абсолютті жеңімпазы – географиялық уақытты шебер есептеп, бүкіл әлемдік ақша ағынын уысында ұстаған Букмекерлік нарық болды.
Аршат ОРАЗ
