Әзербайжан ұшақ апатынан зардап шеккендерге Чеченстан ұсынған көмектен бас тартты. Бұл жөнінде DAY.AZ сайтына сілтеме жасап, 7-su.kz желілік басылымы мәлімдейді. Аталған сайт бұл ақпаратты Әзербайжан президенті әкімшілігіндегі дереккөзге сүйене отырып таратты.
Чеченстан биілігі Ақтаудағы әуежайдың маңында болған әуе апатынан зардап шеккен және мерт болғандардың туысқандарына қаржылай көмек ұсынған. Алайда Әзербайжан президенті әкімшілігі бұл ұсыныстан түбегейлі бас тартты.
DAY.AZ сайтына шыққан материалда «Көмекке мұқтаж емеспіз, билік тиісті істі атқарып жатыр. Әзербайжан билігіне ұшақты атып түсіру факітісін мойындап, кешірім сұрап, тиісті өтемақы төлегені керек» деп жазды.
Естеріңізге сала кетейік, 25 желтоқсанда Бакуден Грозныйға бет алған ұшақ Ақтау маңында апатқа ұшырады. Қазақстан Көлік министрлігі ұшақ бортында 62 жолаушы мен 5 экипаж мүшесі болғанын хабарлады. Соңғы мәліметтерге қарағанда, әуе апатынан 38 адам мерт болып, 29 жолаушы аман қалды.
