ҚАРАШЫ, ҚАЛАЙ ЕСТІЛЕДІ?

    «Кселл» мен MEGOGO компаниясы «Қарашы, қалай естіледі?» бірлескен әлеуметтік жобасында серіктестер болды.

   Осы бағдарлама арқасында Алматы қаласындағы екі арнайы түзету мектеп-интернатының есту қабілеті бұзылған балалары заманауи кинотеатрларда арнайы сеанстармен сурдоаудармасы бар мультфильмдерді көре алады.
    «Арман» кинотеатрында өткен «Робинзон Крузо: қарақшылар басшысы» атты мультфильмінің бірінші көрсетіліміне 7-ден 17 жасқа дейінгі 80 бала келді. Жоба қонақтары үшін бұл көрсетілім нағыз мереке болды, бұл олардың жайдары, шынайы күлкілерінен білінді. Заманауи кинотеатрларда сурдоаудармасы бар мультфильмдерді  көру мүмкіндігі – олар үшін шындығында күнделікті үйреншікті емес, жарқын және есте қалар оқиға.
   «Қыркүйекте «Кселл» өзінің 20 жылдығын атап өтеді. Осы жылдар ішінде біз әлеуметтік жобалардың орасан санына қолдау көрсеттік. Біз компания мерейтойының құрметіне нашар еститін балаларға арнайы сыйлық дайындағанымызға ерекше қуаныштымыз. Біз кино көрермендердің үлкен әлемінің бір бөлігі ретінде сезінуге көмектеседі деп сенеміз. Жоба идеясы  «MEGOGO» компаниясына – MobiKino сервисі бойынша стратегиялық серіктестігімізге тиесілі. Біз осы бастамаға қуанышпен қосылдық. Серіктесімізбен бірге кинотеатрларда жоба қатысушыларына аса ыңғайлы және қауіпсіз болуы үшін қолайлы жағдай жасауға тырыстық. Балаларға ыңғайлы  автобустар берілді,  дәм, сусын және ескерткіш кәдесыйлар таратылды. Сондықтан олар  жақсы көңіл-күйде болады, жақсы әсер алады деген сенімдеміз», – деп атап өтті  «Кселл» АҚ байланыстар бөлімінің басшысы Наталья Еськова.
   Жоба 2018 жылғы қыркүйекте басталды және желтоқсанға дейін созылады. Осы уақыт ішінде мектеп-интернаттардың 200-ге жуық нашар еститін тәрбиеленушісі  «MEGOGO» компаниясы ұсынған 10 толықметражды мультфильмді кинотеатрда сурдоаудармамен көре алады.
   «MEGOGO бейнесервисі «Қарашы, қалай естіледі?» жобасының шеңберінде нашар еститін адамдарға қамқор болады. Жоба мақсаты – барлық адамдар үшін бейнекөріністі қолжетімді ету. Біздің жеке студиямыз бар, ол арнайы контент жүргізеді. Әлеуметтік бағдарламаға барлық құқық иеленушілері қолдау көрсетеді және бейнекөріністі қуанышпен ұсынады, ал біз сурдоаударма және субтитрлер дайындаймыз. Сондай-ақ,    MEGOGO ыммен сөйлесу курсын түсірді. Мұндағы негізгі ой - ымдау тілін тарату және адамдар арасындағы тосқауылды болдырмау.  Бейнекөріністі курс қысқа роликтерден тұрады, онда сіз өзіңізді қалай таныстыруды, әңгімелескен адамның атын қалай сұрауды, рахмет деп айтуды және күнделікті өмірде қажетті қарапайым сөздерді қалай айтуды білесіз», – деп түсіндірді MEGOGO Қазақстандағы бизнесті дамыту жөніндегі менеджері  Жанар Жораева.
   MEGOGO мен «Кселл» серіктестігінде MobiKino сервисінде  сурдоаудармасы бар 100 фильм мен мультфильмге қолжетімді.