Оқи отырыңыз
Қопа ауылында түнде су тасқыны болды. Бұл туралы "Жетісу" газеті хабарлады.
Оқиғаны КТК телеарнасы көрсетті. Ұсынылған видеодан көрініп тұрғандай, қызыл су үйдің іші-сыртын басып қалған. Күннің күрт жылынуының салдарынан қалың қар кенет еріп, ауыл шетіндегі үйлерге зақым келтірген. Құтқарушылар арық қазып, аулаларды судан тазартты. Тұрғындар да аман-есен өз үйіне оралды. Алайда үш отбасы далада қалған. Су шайған үй тұруға жарамсыз.
Бұл жайында Алматы облысы төтенше жағдайлар департаментінің ресми өкілі Азамат Жұртбаев: "Еріген судың төгілу қаупі жойылды. Қаза болғандар мен зардап шеккендер жоқ", - деп сұхбат берді.
"ЖЕТІСУ-АҚПАРАТ"
