Оқи отырыңыз
Жамбыл аудандық жедел штабы бүгін терроризмге қарсы оқу-жаттығу өткізуде. Бұл туралы "Жетісу" газеті Жамбыл ауданы әкімінің баспасөз қызметіне сілтеме жасап хабарлады.
"Жамбыл ауданы Қарақыстақ ауылының аумағында қажетті санитарлық-эпидемиологиялық шараларды сақтай отырып, терроризмге қарсы оқу-жаттығулар басталды. Осыған байланысты Қарақыстақ ауылы тұрғындарынан сабырлық сақтауды және өткізілетін оқу-жаттығуларға түсіністікпен қарауды, қауіпсіздік шараларын сақтауды және оқу-жаттығуларды өткізуге тартылған құқық қорғау органдарының заңды талаптарын орындауды сұраймыз", - делінген ресми хабарламада.
Оқу-жаттығуды өткізу кезеңінде шектеу шаралары көзделетін болады, көрсетілген елді мекенде көлік құралдарының қозғалысы ішінара шектеледі. Сондай-ақ, Қарақыстақ ауылы тұрғындарының назарына ҚР ӘҚБтК 443-бабына сәйкес, қоғамдық тәртіпті қамтамасыз етуге қатысатын адамның заңды талабына бағынбау әкімшілік жауапкершілікке әкеп соғатынын ескертеміз.
"ЖЕТІСУ-АҚПАРАТ"
