Оқи отырыңыз
Қапшағайда суға батқан 5 адам құтқарылды. Оның біреуі жағалауға ес-түссіз халде жеткізілген. Бұл туралы "Жетісу" газеті облыстық төтенше жағдайлар департаментіне сілтеме жасап хабарлады.
«Алматы облысы ТЖД жедел-құтқару жасағының құтқарушылары Қапшағай су қоймасын патрульдеу кезінде №6 қалалық жағажай маңында суға батып бара жатқан бір топ адамды байқап қалған. Жедел жүргізілген құтқару жұмыстарының нәтижесінде жағалауға 2002-2004 жылдары туған 5 жасөспірім жеткізілді. Оның біреуі ес-түссіз жағаға шығарылып, алғашқы көмек көрсетілгеннен кейін есін жиды. Ол "Жедел жәрдем" қызметкерлеріне тапсырылды», - делінген Алматы облыстық ТЖД баспасөз қызметінің хабарламасында.
Алдын ала мәлімет бойынша, жастар Алматы қаласынан Қапшағайға демалуға келген.
"ЖЕТІСУ-АҚПАРАТ"
