Оқи отырыңыз
Ішкі істер министрінің орынбасары Игорь Лепеха Қазақстанда көлікті мас күйде жүргізген адамдарға жүргізуші куәлігі берілмейтінін айтты, деп хабарлайды 7-su.kz желілік басылымы Massaget.kz сайтына сілтеме жасап.
Аталған заң жобасын Сенат мақұлдады.
Министрдің орынбасары заңдағы жаңа норманы түсіндірді.
"Жүргізуші куәлігі жоқ адам туралы айтайын. Мысалы, ол мас күйде әкесінің көлігіне отырды дейік. Біз оны ұстаймыз. Соттың үкімімен күдікті 20 тәулікке қамауға алынады. Оның жүргізуші куәлігі жоқ, ол одан айырылмайды.
Ертең ол ХҚКО-ға барып, жүргізуші куәлігін алып, 3 айдан соң көлікті басқара алады. Бұл әділетті емес. Сондықтан ол заң бойынша 7 жыл жүргізуші куәлігіне тапсыра алмайды", - деді Игорь Лепеха.
Фото: Tengrinews.kz/Алихан Сариев
