Оқи отырыңыз
Бүгінгі таңда негізгі дәнді дақылдар бойынша 9,1 млн гектардан астам дәнді және бұршақты дақылдар жиналды. Орташа өнімділігі 14,7 ц/га болған кезде 13,5 млн тонна астық бастырылды, деп хабарлайды ҚР Ауыл шаруашылығы министрлігі.
Мәселен, бидай 6,8 млн га алқапқа жиналды, өнімділігі 14,1 ц/га 9,7 млн тоннаға жуық, арпа – 1,5 млн га бастырылды, өнімділігі 16,5 ц/га 2,5 млн тонна, сұлы – 133,1 мың га, өнімділігі 15,6 ц/га 207 мың тонна.
Биылғы жылы майлы дақылдар 136 мың га алқаптан жиналды, орташа өнімділігі 11,0 ц/га , 150,3 мың тонна бастырылды.
57,1 мың гектар алқаптан 257,5 ц/га өнімділік кезінде 1,5 млн тоннаға жуық картоп, 87,7 мың гектардан көкөніс дақылдары жиналды, 243,3 ц/га өнімділік кезінде 2,1 млн тоннадан астам жиналды.
Бақша дақылдары 93,5 мың га алқаптан жиналды, өнімділігі 258,8 ц/га, жалпы алым 2,4 млн тоннадан асты.
Егін жинау науқанына 149,9 мың трактор, 37,6 мың астық жинайтын комбайн, 14,9 мың Орақ және 195 мың бірлік басқа техника жұмылдырылды.
Көктемгі егіс және егін жинау жұмыстарын жеңілдетілген қаржыландыру көлемі 580 млрд теңгені құрады, бұл өткен жылдармен салыстырғанда 3 есе көп.
Егін жинау науқанын өткізудің барлық мәселелері ерекше бақылауда.
Фото: freepik
