Оқи отырыңыз
Жетісу облысының прокурорлары 5 жыл бойы алиментті қасақана төлемеген азаматты қылмыстық жауапкершілікке тартты, деп хабарлайды 7-su.kz желілік басылымы облыстық прокуратура дерегіне сүйеніп.
Мекеме таратқан ресми ақпарат бойынша борышкердің осы аралықта жиналған қарызы 2,6 млн. теңгеге жеткен.
«Аудан прокуратурасы Қылмыстық кодекстің 139-бабы бойынша сотқа дейінгі тергеп-тексеруге бастамашылық жасап (балаларды асырауға қаражат төлеу бойынша міндеттерін орындамау), ол сотқа жіберілді. Сот үкімімен борышкерге пробациялық бақылау белгілене отырып, 1 жыл мерзімге бас бостандығын шектеу түріндегі жаза тағайындалды», деп хабарлады облыстық прокуратураның баспасөз қызметі.
Расталған деректер бойынша, жыл басынан бері прокуратура шараларымен алимент төлемеген 206 адам әкімшілік жауапкершілікке, 6 борышкер қылмыстық жауапкершілікке тартылған.
Фото: pinterest.com-нен алынды
