ШЖҚ «Жетісу Медиа» МКК басшысы және комплаенс-офицер Жетісу облысының аудандық әкімдіктерінде баспасөз хатшысы қызметін атқаратын кәсіпорын қызметкерлерімен кездесу өткізді.
Кездесудің негізгі тақырыбы – Қазақстан Республикасының сыбайлас жемқорлыққа қарсы заңнамасындағы жаңа өзгерістерді түсіндіру. Қатысушыларға сыбайлас жемқорлық құқық бұзушылықтары үшін жауапкершілікті күшейтуге бағытталған ауқымды түзетулер пакеті қабылданғаны туралы ақпарат ұсынылды.
Атап айтқанда, енді пара беруге уағдаласу немесе ұсыну фактісінің өзі қылмыстық құқық бұзушылық болып танылатыны атап өтілді. Бұл шара ақшалай қаражат нақты берілгенге дейін, яғни сыбайлас жемқорлықтың бастапқы кезеңінде оның алдын алуға бағытталған. Сонымен қатар, тұрмыстық сыбайлас жемқорлыққа қарсы күрес мәселелеріне ерекше назар аударылды. Денсаулық сақтау, білім беру және басқа да көптеген сала қызметкерлеріне заңсыз сыйақы беру үшін қылмыстық жауапкершілік енгізілген. Бұл ретте жауапкершілік тек пара алғаны үшін ғана емес, оны ұсынғаны немесе «сыйлықтар» бергені үшін де қарастырылған.
Кездесу барысында қатысушылар жаңа нормаларды қолданудың практикалық аспектілерін талқылап, сыбайлас жемқорлыққа қарсы мәдениет қалыптастырудың маңыздылығын атап өтті.
