25 қазан – Республика күніне орайластырылған, футзалдан өнер және медиа командалары арасында өткен «JETISU CUP-2024» республикалық турнирінің II күні өз мәресіне жетті. Екі күнге созылған тартысты ойындар барысында командалар өзара шеберлік пен ерік-жігер танытып, көрермендерге керемет әсер қалдырды.
Турнирге республиканың ең үздік 7 командасы іріктеліп, бақ сынасты. Жүлде қоры: 2 800 000 теңге. 1-орын иегері «Aibar» (Астана қаласы) командасы болса, 2-орын «Levsha» (Алматы қаласы) иеленді, ал 3-орын «Jaidarman» (Астана қаласы) және «Jebe» (Талдықорған қаласы) командаларына бұйырды.
Үздік ойыншылар да ерекше номинациялармен марапатталды:
• Үздік қақпашы – Әзім Әзімов
• Үздік қорғаушы – Беріков Данабек
• Үздік ойыншы – Тима Левша
• Үздік бомбардир – Еркебұлан Мұсабек
Жеңімпаздар қаржылай сертификаттармен, алғыс хаттармен және арнайы мүсіншелермен марапатталды.
«Жетісу-Ақпарат»
Фото: https://www.instagram.com/p/DBWKGedNw34/?img_index=2
