V Дүниежүзілік көшпенділер ойыны аясында ерекше оқиғалар мен айтулы даталар бойынша да көптеп жұмыс жүргізіліп жатыр. Соның бірі ғарышқа барып-келген тоғызқұмалақ тақтасы. Қызық былай.
Есте болса, 9 қыркүйек күні сағат 09:09-де тоғызқұмалақтан Көшпенділер ойыны аясында жарыс бастау алған. Қатысушылардың бірінші жүрісі 9 ойыншыдан тұратын 9 үстелдік тақтада, 9-шы ұядан басталып, есептеу жылдамдығымен сайысқа түсті. Маңыздысы Ресей ғарыш агенттігімен арадағы келісім негізінде ішінде тастары бар тақта алғаш рет стратосфера қабатына дейін барып, қайтадан жерге жеткізілді. Тоғызқұмалақ – ғарышта болған жалғыз үстел ойыны.
V Дүниежүзілік көшпенділер ойындары аясында тоғызқұмалаққа 41 елден 114 қатысушы бақ сынайды. Әзірге Қазақстан құрамасы 23,5 ұпайымен көш бастап келеді.
