Жетісу өңірінің полицей қызы қоян-қолтық ұрыстан Қазақстан Чемпионатында жүлделі орынға ие болды, деп хабарлайды Жетісу облысы Полиция департаментінің баспасөз қызметі.
Атырауда жастар арасында қоян-қолтық ұрыстан Қазақстан чемпионаты өтті. Оған Қазақстанның түкпір-түкпірінен 20 командадан тұратын 450 спортшы бақ сынасты.
Біздің өңір атынан Жетісу облысы Полиция департаментінің Тылмен қамтамасыз ету басқармасының технигі полиция кіші сержанты Айым Кенжебекова қатысты.
Айым 58 келі салмақ дәрежесінде өнер көрсетіп, қиын күресте өзінің табандылығын танытып, жүлделі 3 орынға ие болды. Полицей қыз бірнеше рет әлемнің және еліміздің ірі чемпионаттарына қатысқан, қоян-қолтық ұрыстан спорт шеберіне үміткер және Қазақстан чемпионы.
