Биыл Жетісу облысы бойынша мамандандырылған ХҚКО-ғы арқылы 100-ге жуық сұранысқа ие мемлекеттік тіркеу нөмірлерін берілді.
Олар үшін көлік иелері 30 млн теңгеден астам қаражат жұмсаған. 2023 жылмен салыстыратын болсақ, жетысулықтар 5 айда VIP-нөмірлерге жұмсаған қаражат көлемі 19 млн тенгеден асқан.
Еске сала кетсек, Қазақстанда VIP-нөмірлерді сату 2014 жылы енгізілген. Ал, қаржы ел бюджетіне түседі.
Көпшілік арасында 019 AAA 19, 919 AAA 19, 999 AAA 19 номерлеріне сұраныс жоғары. Әр нөмірдің бағасы 57 АЕК-ті (2024 жылы 210 444 теңге) құрайды.
Жетісу облысы бойынша қазіргі уақытта Талдықорған қаласында мамандандырылған ХҚКО және Сарқан, Панфилов аудандарында сектор жұмыс істейді.
Айта кетейік, 2024 жылдың 5 айында мамандандырылған ХҚКО-да 30 мыңнан астам көлік тіркеліп, 9 мынға жуық жүргізуші куәлігі берілді.
«Жетісу-Ақпарат»
