Милад Карими спорттық гимнастикадан Өзбекстан астанасы Ташкентте өтіп жатқан Азия чемпионатында күміс медаль жеңіп алды. Бұл туралы Stan.kz ақпарат агенттігі хабарлайды.
Олимпиада жолдамасының иегері Милад Карими Ташкенттегі Азия чемпионатының көпсайыс бағдарламасында 84.632 ұпай жинап, күміс жүлде еншіледі. Ол тек әлем чемпионатының бірнеше дүркін жүлдегері, филиппиндік Карлос Юлоға есе жіберді. Бұған дейін отандық гимнастар жекелеген снарядтарда жүлде алғаныман, құрлық додасында көпсайыс қорытындысы бойынша тұғырға шықпаған. Сондықтан Миладтың көпсайыста күміс медаль алуын тарихи жетістікке бағалауға болады.
Айта кетейік, Ташкенттегі Азия біріншілігінде Париж олимпиадасының жолдамасын алған Нариман Курбанов та бақ сынайды.
Фото: ҰОК
