Жемқорлыққа қарсы еріктілер 4 миллиард теңгеден аса қаражаттың негізсіз жұмсалуының алдын алды, — деп хабарлайды Massaget.kz тілшісі.
Сыбайлас жемқорлыққа қарсы іс-қимыл агенттігі төрағасының бірінші орынбасары Ұ.Сарқұлов белсенді және бей-жай қарамайтын азаматтар біздің мемлекетіміздің дамуындағы маңызды факторға айналып жатқанын мәлімдеді.
«Бүгінде еріктілер қатарына 3 мыңға жуық адам кірді. Олардың жұмысының арқасында 4 миллиард теңгеден аса сомаға тауарларды, жұмыстарды және қызметтерді сатып алу кезінде бағаны көтеру тәуекелдерінің алдын алды», — деді ол.
Еске салайық, бұған дейін Бас прокуратура заңсыз иемденілген активтерді мемлекетке қайтарып жатқаны хабарланды.
Премьер-министрдің төрағалығымен өткен арнайы комиссия соңғы отырысының қорытындысы бойынша 24 миллиард теңгенің активтері мемлекетке қайтарылған.
Коллаж: Голос народа
