Қазақстандық боксшы Сәкен Бибосынов Бусто-Арсициодағы лицензиялық турнирдің 1/4 финалына жетті.
Бұл туралы 7-su.kz желілік басылымы Vesti.kz сайтының дерегіне сүйеніп хабарлайды.
51 келіде өнер көрсететін Сәкеннің 1/8 финалдағы қарсыласы Бахрейн атынан өнер көрсетіп жүрген Азат Махметов болды. Бұл жекпе-жекте Бибосынов төрешілердің бөлек шешімімен басым түсті (4:1).
Айта кетейік, қазақстандық боксшы бұл турнирде бұған дейін Там Чунь Хинь Каннет (Гонконг) пен Дэвид Каранджу Мачариді (Кения) жарыс жолынан шығарып тастаған болатын.
Фото: ҚБФ
