Павлодар қаласында волейболдан әйелдердің Ұлттық лига командалары арасында ХХХІІ Қазақстан чемпионаты ІІІ турының ойындары жалғасуда.
Бұған дейін осы турда қатарынан екі рет жеңіске жеткен Өскеменнің «Берелін» «Жетісу» (Талдықорған) командасы тоқтатты.
Сербиялық Марко Гршичтің шәкірттері 3:1 (22:25, 25:21, 25:20, 27:25) есебімен жеңіске жетіп, 31 ұпаймен бесінші орынға шықты.
Есесіне солтүстікқазақстандық «Қуаныш» (бас бапкері Азамат Есімов) өскемендік «Алтайды» 3:0 (25:20, 25:19, 25:18) есебімен тізе бүктіріп, 38 ұпаймен көш басына қайта көтерілді. 37 ұпайы бар «Берел» екінші орынға түсіп қалды. «Айқаракөзді» (Талдықорған) 3:0 (25:23, 25:16, 25:19) есебімен оңай ұтқан «Алматы» 31 ұпаймен үшінші орынға шықты.
Сондай-ақ алаң иелері – Павлодардың «Ертісін» 3:0 (25:22, 25:20, 25:11) есебімен жеңген «Тұранның» (Түркістан) да 31 ұпайы бар, олар доп айырмашылығы бойынша үздік төрттікке табан тіреді.
Бейсенбі күні орталық кездесу «Берел» мен «Тұран» арасында өтеді.
Тағы бір жаңалық, төртінші тур 21-27 ақпанда Өскеменде өтетін болды. Содан кейін үздік сегіздікке іліккен командалар плей-офф бәсекелерінде бақ сынайды.
Фото: olympic.kz
