Тоғызқұмалақтан облысымыз бойынша ерлер мен әйелдер арасында жекелей чемпионат Қаратал ауданы Үштөбе қаласында өтті. Жарысқа 80 спортшы қатысты.
Облысымыздың әр елді мекенінен жиналған үздіктер өзара мықтыны анықтады. Жүзден жүйрік шыққандар арнайы марапат пен жүлдеге ие болды. Бұл сында Қаратал ауданының қатысушылары жиналғандарды қуантты. Мәселен, Сұңқар Советбаев тоғызқұмалақтың блиц түрі бойынша жеңімпаз атанса, рапид түрінен қатысқан Бауыржан Әбдімұратов ІІ орынды, Ұлағат Советай ІІІ орынды алды.
Одан бөлек былтырғы жылдың нәтижесі бойынша үздік нәтиже көрсеткен Қаратал ауданы «Үздік аудан» номинациясына ие болып, спорт саласына зор үлес қосып жүрген аудандық балалар мен жасөспірімдер мектебінің директоры Ермек Торғаев пен жаттықтырушы Ұлық Мәлікбеков Алғыс хатпен марапатталды.
Серік Қантай
Фото: https://www.instagram.com/p/C2HVpBIiM6X/?img_index=3
