Петропавлда волейболдан әйелдер арасында ел чемпионатының ІІ-тур ойындары басталды. Алғашқы күні «Жетісу» азулы қарсыластардың бірі «Берелді» жеңсе, талдықорғандық тағы бір команда «Айқаракөз», «Алматымен» ойнады. Серб маманы Марко Гршич «Жетісудың» бапкері есебінде алғашқы ойынында жеңіске жетіп отыр.
Екінші турдың бірінші кездесуін өскеменнің «Берелімен» ойнаған «Жетісу», матчты тартысты өткізді. Таблодағы есеп алма-кезек өзгеріп, алаңдағы эмоция да сан құбылды.
Кездесудегі нәтиже – 3:2 (25:23, 16:25, 18:25, 27:25, 18:16). Өзінің тағайындалғанына екі аптаға жуық уақыт болған Марко Гршичтің бұл «Жетісумен» өткізген бірінші ойыны және алғашқы жеңісі. Осыған дейін «Алтайды» жаттықтырып, ел волейболындағы титулды бапкерлер тізімінде болған маманға артылған сенім мол.
— Ойын өте керемет өтті. Қарсылас мықты. Бүгін мінез көрсетіп ойынды соңына дейін жалғастырып, жеңіске жеткеніміз үшін қуаныштымын. Кез келген командамен ойнауға дайынбыз. Команданың мақсаты белгілі, сол жолда барымызды саламыз, — дейді «Жетісу» волейбол клубының капитаны Әлия Садықова.
Ал «Айқаракөз» «Алматымен» ойнап, 1:3 (25:23, 22:25, 25:19, 25:15) есебімен жеңілді. Команда құраманың басым көпшілігі жергілікті ойыншылар болса, жалпы барлығы ел болашағына баланған жас қыздар.
Екінші турдың екінші ойынында жетісулық дерби болады. «Жетісумен» «Айқаракөз» ойнайды.
Серік Қантай
Фото: автордікі
