Жетісу облысында еріктілер саны жылдан жылға артып келеді, деп хабарлайды 7-su.kz желілік басылымы.
Жалпы облыста 4836 волонтер тіркелген. Дәл осы жандардың арқасында 11 айдың ішінде 126 қайырымдылық шарасы, 18 экоакция өтіп, 300-ге жуық адамға көмек көрсетілген.
«Биыл волонтерлермен атқарылған жұмыс өте көп. Біз еріктілермен бірге сыбайлас жемқорлыққа қарсы күресе бастадық. Алдағы уақытта еріктілердің санын көбейтіп, білім беру ұйымдарында да жалғастырмақпыз», — дейді «Мейірімді Жетісу» фронт офисінің жетекшісі Жансерік Байденов .
Волонтерлік фронт офисінің сенім телефоны call –орталығына 286 адам хабарласып, мұқтаж жандарға көмек көрсетілген.
Сонымен қатар, облыстың 8 аудан 2 қала орталықтарының «Мейірімді Жетісу» облысының өңірлік координаторлары тағайындалған.
