Ереванда самбодан 2023 жылғы әлем чемпионаты аяқталды. Турнир нәтижесінде Қазақстан құрамасы үшінші орынға тұрақтады, деп хабарлайды 7-su.kz желілік басылымы Кazinform сайтына сілтеме жасап.
Чемпионатта 65 елден 300-ден астам спортшы 21 салмақ санатында өнер көрсетті. Халықаралық самбо федерациясы (ФИАС) атқару комитетінің шешімімен Ресей, Беларусь, Франция және босқындар командалары бейтарап статуста қатысты.
10-12 қараша күндері өткен әлемдік доданың қорытындысы бойынша Қазақстан құрамасы үшінші орын алды (1 алтын, 2 күміс, 5 қола медаль). Екінші орын Өзбекстанға (2 алтын, 1 күміс, 3 қола), бірінші орын бейтарап статуста сынға түскен ресейлік спортшыларға (13 алтын, 2 күміс, 3 қола) бұйырды.
Қазақстандық спортшылардың нәтижесі:
Алтын медаль:
Арайлым Әбенова (спорттық самбо, 80 кг жоғары)
Күміс медальдар:
Бажаева Маргарита (спорттық самбо, 50 кг дейін);
Қойшыбаев Еламан (спорттық самбо, 88 кг дейін).
Қола медальдар:
Әлмұханбетова Гүлдана (спорттық самбо, 54 кг дейін);
Абатова Шынар (спорттық самбо, 72 кг дейін);
Қуатай Арнұр (спорттық самбо, 71 кг дейін);
Зекенов Әлібек (спорттық самбо, 98 кг дейін);
Жиентаев Талғат (жауынгерлік самбо, 98 кг жоғары).
Фото: Азамат Әлмағамбетов/Kazinform
