Олимпиада чемпионы (2012, Лондон) бүгінде «Astana Qazaqstan Team» менеджері Александр Винокуров Шотландияның Глазго қаласында велоспорттан өтіп жатқан әлем чемпионатында жалпы командалық Гран-фондо жарысында (50-54 жас) мәре сызығын бірінші кесті, — деп хабарлайды 7su.kz желілік басылымы.
Жеңімпаз Александр Винокуров 159 шақырымды құраған Гран-фондо межесін 4 сағат, 5 минут 22 секундта орындады. Чемпионның соңынан екінші болып испаниялық Ррауль Патино, үшінші болып поляк Адриан Яш келді. Жалпы жарыс жолына 213 велошабандоз шықты.
Ал 7 тамыз күні Александр Винокуров жекелей сынға түседі. Жекелей жарыста Винокуров 50-54 жас аралығы бойынша Азия чемпионы.
