Жетісу облысында биыл 8,2 млрд. теңгеге 14 спорт нысаны салынып жатыр, жылдың соңына дейін соның 11-і қолданысқа беріледі.
Бұл жайында бүгін ОҚК ұйымдастыруымен Ескелді ауданындағы «Тау Жетісу» базасында өткен Жетісу облысының әкімі Бейбіт Исабаевтың қатысуымен өткен брифингте айтылды.
Атап айтқанда, Достық, Лепсі елді мекендерінде және Текелі қаласында дене шынықтыру-сауықтыру кешені, Бескөл, Үлкен Шыған, Пиджім ауылдарында спорт кешені, Шанханай және Басши ауылдарында күрес залдары ел игілігіне беріліп, Сарыөзек ауылында және Талдықорған, Сарқан қалаларында стадиондарды қайта жаңғырту аяқталады.
Баяндамада айтылғандай, Талдықорғанда волейболға арналған оқу-жаттығу спорт кешенін салу мен орталық стадионды қайта жаңғырту жұмыстары жоспарланған. Жеке демеушілер есебінен 2022 жылы
Ақсу ауданының 120 орынды 1 спорт кешені іске қосылды. Биыл жеке инвесторлар өз қаражаттарына спортшыларға арналған шағын отбасылық үй мен үстел теннисі орталығының құрылысын бастайды.
Жетісу облысы әкімінің баспасөз қызметі.
