Талдықорған: +11°C
$ 455.00
€ 498.77
₽ 5.56
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР РУХАНИЯТ

Қаратал ауданында қант қызылшасына басымдық берілмек

25 сәуір 2023
РУХАНИЯТ
Қаратал ауданында қант қызылшасына басымдық берілмек
WhatsAppTelegramFacebook

Қаратал ауданында егін егу жұмыстары қарқынды жүргізілуде. Өңірде негізінен қант қызылшасы алқабын ұлғайтуға басымдық берілмек. Мұндағы тәтті түбір алқабы 1,9 есеге артып, 8,1 мың гектарға жеткен. Осыған орай, қант қызылшасы шаруашылығын мықтап қолға алып, жүйелі жұмыстар істеп отырған «Бақыт – Қаратал» ЖШС-на  бардық.

Шаруа қожалығына тиесілі қант қызылшасы алқабында жұмыс қызған. Күн жылынғаннан дайындық жасаған шаруа жерін  жыртып, егістік алқабын дайындап, тұқым егу үстінде. Егіс алқаптарында қажетті техниканың барлығы бар. Мұнда 3 үлкен «К-700» пен жер тегістейтін техника, 2 соқа, «МТЗ»  маркалы техникадан 6 дана, арпа-бидай егетін 3 тұқым сепкіш бар. Алдағы жылы техникаларды жаңарту жоспарлануда. Дизель отыны да жеткілікті. Бүгінде қамбада 20 тонна дизель бар. 

Шаруашылықта тұрақты 40-қа жуық адам жұмыс істейді. Барлығы білікті қызметкерлер. Ал маусым кезінде жұмысшылар саны артады. Науқан қызған шақта 100-ден астам жергілікті тұрғын жұмысқа тартылады. Шаруа қожалығының басшысы Серікжан Бақытұлының бастамасымен 1000 гектар суармалы жерге түрлі дәнді дақылдар егілуде. Атап айтсақ, егістіктің 110 гектар жеріне Көксу қант зауытының «тәтті түбірі», 135 гектарына америкалық және Украинадан алынған 3 түрлі жүгері себілуде. Сонымен қатар, 305 гектарға күнбағыс, 312 гектар жерге көпжылдық шөп пен жаздық бидай, 25 гектарға жаздық бидай, 20 гектарға арпа, 20 гектарға «суданка» шөбі егілген. Шыбықтан шынар өсіріп шығаратын еңбекқор жандар күзде мол өнім алуды көздеп отыр. 

– Егістік алқабындағы техникалардың барлығы жаңа болғандықтан жұмыс жүйелі жүріп жатыр. Егін егуді осы айдың басында бастадық. Бұйырса, 2-3 күнде барлығын сеуіп тастаймыз, – дейді шаруашылық қызметкері Алтай Несіпжан. 

Әр жұмыстың өзіндік қиындығы болады. Алғаш қылшамен айналысқанда шаруа қожалығында да біраз кедергілер болыпты. 

– Қылшаны осыдан 3 жыл бұрын егіп бастадық. Алғашқы жылы жақсы өсіріп шығарған едік. Бірақ, су тапшылығына байланысты толық суарып үлгере алмадық. Содан өнім аз болды. Келесі жылында тәуекелге бармай, аз септік. Ол жылы жақсы өнім жинадық. Өкінішке қарай, келіскен комбайн кешігіп келіп, қар жауып қылшамыз үсіп кетті. Былтыр да өнім аз болып қалды. Биыл тәжірибеміз толысты. Үш жылда жіберген қателіктерді жібермей, мол өнім алуды жоспарлап отырмыз, – дейді қожалық басшысы. 

Аталмыш қожалық күзде қылшаны Көксу қант зауытына, күнбағысты Сарыбұлақ май зауытына, жүгеріні Сарыбұлақ құс фабрикасына, көпжылдық шөп, бидай, арпаның артылғаны ауылдағы шаруа қожалықтарына тасымалданады.  

Жақсы өнім алу үшін техниканың жүріп-тұруы маңызды. Осыған орай, шаруашылық 22%-бен жаңа техника алыпты. Оның 16%-ын Үкімет субсидиялап береді. Атап айтсақ, түк шөп жасайтын, дәрі мен тыңайтқыш шашатын, жаңбырлатып сепкіш техника алынған. Бірақ, «ГОС-Агро» бағдарламасы әзірге істемей тұр. Бұл барлық шаруа қожалықтарына үлкен қиындық туғызуда. Бағдарлама жуық арада іске қосылса шаруашылықтардың жұмысы жеңілдейтін еді.  

Егін шаруашылығын шырқ үйіріп отырған қожалық атакәсіппен де айналысады. Бүгінде мұнда жүнді бағытта 4000 бас ұсақ мал бар. Төрт түлік малдан береке көріп отырған жандар сақман ойдағыдай жүріп жатқанын айтты. Қожалық аналық басқа шаққанда 80 %-ға жуық қозы алған. Алдағы 10 күнде сақман да аяқталады. Сонымен қатар, 250 бас жылқы, 40 шақты түйе бар. 

– Қазіргі кезде мықты шопан мен механизатор табу қиынның қиыны. Бұлар нағыз еңбек адамы. Екінің бірі аталмыш мамандыққа бара бермейді. Сондықтан атакәсіпте ерен еңбек етіп жүрген, мал бағуды бейнет емес, береке деп білген жандарды зейнетке ертерек шығарып жеңілдік жасаса дұрыс болар еді, – дейді қожалық басшысы.  

Тағы бір атап өтетіні, Серікжан Жексенбиевті аудан тұрғындары жомарт жанды азамат ретінде таниды. Ендеше, туған ауылына жақсылық жасаудан өзгелерге үлгі болған шаруаға біз де сәттілік тіледік.

Айдар ҚАЛИЕВ

Қатысты жаңалықтар

Ел алдындағы жауапкершілік

Ел алдындағы жауапкершілік

Бүгін, 16:30
Таразда «ASPARA FASHION DAY 2026» халықаралық сән іс-шарасы өтіп жатыр

Таразда «ASPARA FASHION DAY 2026» халықаралық сән іс-шарасы өтіп жатыр

Бүгін, 16:12
Qajet taxi – үлкен жоспардың алғашқы қадамы

Qajet taxi – үлкен жоспардың алғашқы қадамы

Бүгін, 14:30
БҰҰ-да Халықаралық су ұйымын құру ұсынысы талқыланады

БҰҰ-да Халықаралық су ұйымын құру ұсынысы талқыланады

Бүгін, 13:20
Шынайы отаншылдық – құрғақ сөз емес

Шынайы отаншылдық – құрғақ сөз емес

Бүгін, 12:30

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.