Кәсіби боксшы Аида Сатыбалдинова өзінің шетелге кетуінің түпкі себебі Қазақстан бокс әлеміндегі әділетсіздікте екенін мәлімдеді.
Бұл туралы 7-su.kz желілік басылымы Meta Ratings сайты дерегіне сүйеніп хабарлайды.
Оның айтуынша, ол бұл шешімді ерте қабылдаған.
«2017 жылғы Қазақстан чемпионатынан кейін кетемін деп шешім қабылдадым. Сол кезде өз елімде маған жарық жоқ екенін түсіндім. Бұған дейінгі бір жылда Қазақстанда бірнәрсе болуы мүмкін деген үміт бар еді. Алайда 2017 жылы мен кету туралы нақты мақсат қойдым. 2017 жылдың 17 қарашасында елден кеттім. Кеткен кезімді жақсы білемін және сол күнді ұмытпаймын. Мені сіңлім мен достарым шығарып салды. Туыстарым да мұны бірқалыпты қабылдады. Олар менің мінезімді білетін және бір шешім қабылдасам, райымнан қайтару бос іс екенін түсінетін. Олар маған сәттілік тілеп, Қазақстанда маған айтарлықтай жол жоқ екенін түсінді», -дейді боксшы.
Бұдан әрі Аида Сатыбалдинова Қазақстанда бокстасу үшін ақша керек екенін айтады.
«Өйткені қазақстандық бокста көп көз жасы мен түңілу ғана болған. Мен үшін беделді саналатын ағам Қазақстанда әуесқой бокспен шұғылдануыма қарсы болды. Ол біздің елде бокстасу үшін таныс керектігін түсінді. Ал менде ондай жоқ, қарапайым отбасынанмын. АҚШ-қа бару үшін ақша керек. Сол үшін мен таңғы жетіден кешкі онға дейін үш жерде жұмыс істедім. Автобусқа кейде кешігіп қалсам, жаяу қайтатынмын», — деп жазған ол.
Фото: ашық дереккөзден
«ЖЕТІСУ» АҚПАРАТ
