Мемлекет басшысы Қасым-Жомарт Тоқаев Қазақстанның үздік теннисшісі Елена Рыбакинаны WTA 1000 турнирдегі алғашқы жеңісімен құттықтады.
Президент өз құттықтауында бұл жетістікті мұқалмас ерік-жігер мен спорттағы жоғары мәдениет көрсеткіші екенін атады.
«Индиан-Уэллстегі беделді турнирде жарқын жеңіске жеткен Елена Рыбакинаны құттықтаймын! Біздің спортшымыз асқан шеберлігін, жеңіске деген мұқалмас ерік-жігерін және спорттағы жоғары мәдениет үлгісін көрсетті. Елена әлемдегі үздік корттарда жаңа жетістіктерге жете береді деп сенемін!» — делінген Президенттің Instagram-парақшасындағы жазбасында.
Сурет: ашық дереккөзден
«ЖЕТІСУ» АҚПАРАТ
