Талдықорғанда Бейсен Құранбек атындағы Журналистер үйінде сыбайлас жемқорлыққа қарсы қызмет жұмысының қорытындысына арналған бирифнг өтті.
Біліксіз кәсіпкерлердің басқаруындағы медициналық мекемелер – облыстық кардиологиялық орталық және №2 қалалық емхана мемлекет меншігіне қайтарылды.
Бұл туралы ҚР Сыбайлас жемқорлыққа қарсы іс-қимыл агенттігі Жетісу облыстық департаментінің басшысы Мақсат Жебегенов мәлім етті.
– Лицензиясы мен жұмыс тәжірибесі жоқ бизнес субъектілерінің шарттық міндеттемелерді орындамауы дәрігерлік кадрлардың азаюына, медициналық қызмет сапасының төмендеуіне әкеп соқты, – деп атап өтті сала басшысы.
Аталған жиында негізінен өткен жылдың қорытындысы мен ағымдағы жылдың 2 айында жүргізілген жұмыстарды баяндалды.
«ЖЕТІСУ» АҚПАРАТ
