Аудандық орталық ауруханада ҚР Президенті сайлауы күні дүние есігін ашқан 5 шақалақтың, 3-і ұл, 2-і қыз бала.
Бұл туу коэфициенті бойынша аудан үшін ағымдағы рекорд.
— Әдетте күніне 2 немесе 3 бала дүниеге келсе, көп деуші едік. Дәл бүгінгідей айтулы күнде шаттыққа бөлену әрбір отбасы үшін қуанышты күн, — дейді бас дәрігердің орынбасары Зейнепкүл Сәтмұхамедова.
Айта кетер жайт, жас аналар мен перзентхана қызметкерлері де ҚР Президентін сайлауға қатыса алады. Сондай-ақ, жас нәрестені құшағына алған аналарды аудандық аурухана бас дәрігері Біржан Құмаров құттықтап, сыйлық табыс етті.
Ришад ТҰРҒАНБАЙ,
Қаратал ауданы
