Жастардың кәсіпкерлікпен айналысуына қолайлы жағдай туғызу – бұл өзекті мәселе. Осы тұрғыда жас кәсіпкерлер үшін «Атамекен» бизнес палатасының бастамасымен ұйымдастырылатын оқыту курстарының рөлі ерекше.
«Бастау бизнес» жобасының «Еңбек» курсы бойынша оқыту барысында бірқатар кәсіпкерлер бағытын айқындады. Әлеуеті жоғары жастар елміздің әлемдік экономикадағы орнымызды нығайтуға үлес қосатындығы мәлім. Кәсіпкерліктің ішінде балалармен жұмыс жасау бағыты өзге бағыттардан ерекше. Жас ұрпаққа сапалы білім беру барысында тәрбиеге де мән берген жөн.
Белгілі аустралиялық экономист И.Шумпетердің: «Кәсіпкерлік – жұмыстың бір түрі емес, тұнып тұрған ақыл-ой, тұла бойы қасиет», – дегені бар. Өңіріміздің жас кәсіпкерлері өздерін дамыта отырып, кәсіп жолында аянбай еңбек істеп жатыр. Сонымен қатар кәсіпкерлік қызметті жүргізуге қолайлы жағдай жасау үшін әкімшілік кедергілерді жою, кәсіпкерлік инфрақұрылымдарды дамыту және кәсіпкерлердің несие қаржатына қол жеткізуін жеңілдету қажет.
Өскелең ұрпаққа кәсіпкерлік саласында жетістікке жету үшін маңызды 3 кеңесім бар: 1) күнделікті көздейтін мақсаттар мен және алдын-ала бірнеше жылдық жоспар болу керек; 2) үнемі ізденіс жасап, өз-өзін дамытатын сенімді, қайсар бола білу; 3) нарықты зерттеп, тұтынушылардың басымдықтарын білу керек.
Менің ойымша, жылдың үздік жас кәсіпкерлерін анықтайтын түрлі байқаулар, тәжірибелі кәсіпкерлердің озық үлгілерімен танысуы жас кәсіпкерлердің дамуына зор мотивация болатынына сенімдімін. Себебі, елімізге танымал бизнесмен тұлғалардың кәсіби құпиялары мен тәжірибелерімен бөлісуі жас кәсіпкерлер аса маңызды.
Меруерт МҰРАТҚЫЗЫ
Сурет ғаламтордан алынды
