Алматы облысының төтенше жағдайлар департаменті «Қазгидромет» РМК-ның ескертуі негізінде тауларда және таулы аудандарда қатты жауын-шашын (жаңбыр, қар, тұман, көктайғақ) болатынын мәлімдеді. Сондай-ақ, ауа райы күрт жылып, мұздар еруі мүмкін. Өзендер арнасынан асып, жағалауларға қауіп төндіруі ықтимал.
Алматы облысының төтенше жағдайлар департаменті азаматтарды ауа райының өзгеруін бақылауға алуға және сақтық шараларын ұстануға шақырады. Алматы облысы аумағында температуралық фон +10°С-қа дейін көтеріледі деп күтілуде. Сондықтан, жазатайым оқиғаларды болдырмау үшін, сондай-ақ, жұқа мұзда адамдардың жарақаттануы мен өлімінің алдын алу мақсатында азаматтардан су айдындарындағы барлық қауіпсіздік ережелерін сақтауды және жұқа мұздың бетіне шықпауды сұрайды.
Ескерте кетейік, осыған дейін аталған департамент тауларда және таулы аудандарда аралас жауын-шашын болжамына байланысты өзендерде көлбеу ағын қалыптасатынын және су деңгейі көтерілетінін жариялаған болатын.
«ЖЕТІСУ-АҚПАРАТ»
